中秋又就來到啦!遇著打風緊係係屋企整下月餅啦...今次整左紅豆同蜜瓜味(用左某品牌既紅豆同蜜瓜味豆奶)唔知味道如果呢?
2008-08-22
2008-08-12
2008 08 12
咁快又一年啦..點解要咁講? 記得上年既8月發生左好多事...一個月之內經歷左聚;散;分;離...心情大起大落..一年已經過去, 所有野都漸漸平靜落來..但係..點解我呢排有返呢種感覺...經常都覺得忐忑不安, 專注唔倒咁...希望呢個8月快d過去,期待9月既來臨...期望...再次得到平靜..
2008-08-08
BB紫羅蘭 2008 08 08
一直都覺得紫羅蘭好神奇...見倒同事仔種得咁開心, 忍唔住都要剪塊葉仔來試下...前排見倒塊葉生左根啦~急不及待咁叫茄茄陪我行街街買返個盆幫佢移植, 見倒有兩個心怡既花盆, 一個係粉紅色..一個係橙色, 分別令我見倒覺得舒服同開心~茄茄幫我話事選左個令我見倒覺得開心既花盆~希望佢快高長大啦!!
2008-08-07
蒜蓉包包 2008 08 06
尋日失敗左...唔緊要!!再來過!!我一定得既...上網做足功課先!搵出失敗原因啦...可能係酵母放得太耐啦...佢地長唔大..今日開左包酵母再試...首先係測試下佢既活性先..分別用左新酵母同尋日用果包酵母..出來真係唔同ga...新果包浸出來好多泡泡..舊果包就只係得少少..係呢個時候, 我有預感今次應該會成功~~~~出爐啦..我做倒軟淋淋既包包啦!!
牛奶包包 2008 08 05
前排成日都整蛋糕,整到又d悶悶地...見倒d包包咁吸引, 自己又試下整先...點知...搓粉既時候搓極都唔起筋...焗好啦...包包入面又唔夠鬆軟wor...睇來真係要努力d先得啦!!!
Triple Chocolate Mousse Cake
Tracy...又係一個典型女性...好有誠意咁遠遠走入屯門來食佢個生日蛋糕...於是...我都好有誠意咁整左個三重奏比佢...分別就係白朱古力牛奶朱古力同黑朱古力三層~再加個oreo x 消化餅底...問你怕未..講真...個cake真係漏到呢....最後我地4個人一次過k.o.晒個cake...大家都話...短期內唔會再食朱朱力...哈哈哈...
Rose White Chocolate Mousse Cake 2008 06 15
茄茄岩岩早我一日生日...今次預早整定個生日蛋糕比佢..正日再一齊去街街..呢個cake用左佢鐘意既玫瑰花茶同埋佢鐘意既白朱古力同埋佢鐘意既白酒泡制....樣樣都係佢鐘意既野...加埋一齊唔會唔鐘意掛~
訂閱：
文章 (Atom)